暖男爸爸︱被囝囝投訴少見面　鄭中基感內疚：小朋友每分鐘需要你

鄭中基（Ronald）今日（21/10）現身尖沙咀出席ViuTV原創劇集《暖男爸爸》記者會。Ronald透露囝囝知道自己要拍此劇，搶著要參與，「因為早前開咗個記者招待會佢哋睇到，囝囝就問我：『乜你喺套戲度做爸爸呀？點解唔係我哋嘅？』我就同佢講你都唔識字，你點睇劇本。咁所以佢哋話套劇拍完，要播嘅時候就要一齊睇。」

作為人父的Ronald直言拍完此劇，有另一番深刻的體會，認為做媽媽要堅負起照顧小朋友的責任是相當艱辛，「喺套劇講我要照顧啲小朋友，所以我發覺照顧小朋友仲辛苦過返工，因為好多嘢你冇湊過你係唔會知，因為啲小朋友二十四小時，每一分鐘都需要你，咁所以媽媽係冇假放，冇得休息，所以父親節唱世上只有媽媽好係啱㗎，哈哈！（太太成日都要照顧小朋友，有否感到內疚？）會㗎！所以返到屋企會聽多啲佢哋講嘅嘢，當然都會有啲投訴又或者開心嘅嘢同你分享，多數詐我型話少見我，咁所以我都會耐心去聽嘅，睇下佢哋有咩要求，我都會去做，希望做咗就唔好詐型。」