聞好友楊明涉醉駕「炒車」被捕　張振朗大表震驚：揸車就唔好飲酒

張振朗今日（8/8）現身電視城出席無綫新劇《反黑路人甲》宣傳活動。振朗表示在劇中演一名警方資深臥底，與王浩信聯手滲入黑幫社團搜集證據，「今次我同浩信係第二次合作拍劇，火花同默契係依舊，我哋拍嘅時候，會你一句我一句接住落，仲會有時會爆肚，而我又係最唔忍得笑嗰個，仲會笑咗出嚟，不過監製都會照收貨。」

提到好友楊明今日凌晨涉嫌醉駕「自炒」被捕，張振朗表示：「我睇到相關報導嘅時候，真係好震驚估唔到，我覺得最緊要係佢個人冇事，有啲咩嘢都係等佢回答。（有冇聯絡問候佢？）我諗呢段時間等佢處理晒佢自己嘅嘢先，咁之後其他嘢先後再算。（案發前有冇見過面？）呢個就冇，因為我都好耐冇返公司。（最近見面係幾時？）都成個幾月前。（你飲唔飲酒？）我唔飲酒。（應酬難免有酒落肚，酒後會否揸車？）當然揸車就唔好飲酒啦！」