【港姐2020】被指蒲精醉酒任人摸　 陳楨怡：我係非常自律嘅人

港姐入圍佳麗「翻版金宇彬」陳楨怡（Celina）昨晚（1/8）現身電視城出席《2020年香港小姐競選我和港姐有個約會網上直播》。早前有讀者向《香港01》爆料指陳楨怡在英國讀書時長期「收兵」，亦經常喜愛夜蒲落夜店媾仔。醉酒時會同人攬攬錫錫，更任意被對方撫摸私人部位，大膽程度令人咋舌。

就以上指控，陳楨怡接受《香港01》訪問大平反話：「其實我都有留意相關報道，不過唔真實嘅報道，所以我都冇話特別介意，只係一笑置之。況且我喺英國讀建築嘅時候，讀建築嘅朋友都知道課程係好緊湊，所以絕對冇呢個時間去夜蒲，話我醉酒同人有親密行為，呢個唔係事實，認識我嘅人都知我唔好飲酒，同埋對酒精都有少少敏感，所以我係一個非常自律嘅人，呢啲咁隨便嘅行為，絕對唔會發生喺我身上。（有人話你係拜金女？）呢個唔係事實嚟，我係一個比較注重感情多過金錢上嘅人。（怕唔怕再被爆黑歷史？）其實呢啲都唔擔心。」