【港姐2020】侯嘉欣性感吊帶裙騷身材　否認有機心：大家唔同風格

港姐入圍佳麗侯嘉欣（Michelle）昨晚（1/8）身穿吊帶深藍色喱士短裙，現身電視城出席《2020年香港小姐競選我和港姐有個約會網上直播》大騷性感身材，令網民大飽眼福。Michelle透露：「條裙係自己揀㗎！（對比其他佳麗你好性感！）只係大家唔同風格啫。（會唔會你比較有機心啲？）唔會，咁就叫做機心，只係一條普通吊帶裙，咁又唔好講話機心嘅！」

提到是否因為參選港姐，與拍拖五年男友處於分手邊緣？Michelle坦言仍在處理中：「可能大家Long D太耐，佢又忙緊佢嘅嘢，我又忙緊自己嘅嘢，咁變咗交流又少咗，咁佢就提出大家不於諗下將來嘅發展會係點，其實我都有同佢講，唔好因一時之間嘅諗法，放棄咗一啲樸素嘅嘢，始終女仔有幾多個五年。（會否待選美完畢後會有定奪？）有呀！我都有同佢講實質之後係點，等我選完之後就有決定。」