昔日小生殺手鄺文珣翻播舊MV 　細仔不滿要熄機：以為我有男人

「逆齡女神」鄺文珣（May)今日（8/6）以嘉賓身份現身觀塘出席香港開電視《30分鐘大放餸》節目錄影大顯廚藝。不得不提阿May於90年代中曾參演過多部影視作品，但最為人熟悉有處境喜劇《真情》裡飾演安仔（劉愷威飾）的女朋友Joan。憑其美貌和精湛演技備受肯定，當年更被封為小生殺手「翻版劉嘉玲」，人氣相當強勢。

阿May經已是三子女之母，但提起昔日拍劇點滴依然興奮：「有時候都會翻睇自己以前拍過嘅劇，而我啲小朋友佢哋睇到我著晒古裝喺度飛嚟飛去嗰啲鏡頭，佢哋會覺得好神奇，初頭佢哋都會有啲驚，點解媽咪會變成咁。好似噚晚咁，我翻播以前喺台灣拍過一首歌嘅MV，我個細仔佢好大反應話：『我唔鍾意首歌，我唔要睇到』。唔知點解？佢由細到大都係咁，佢咁大反感，可能因為我裡面有另一個男人，佢見到MV裡面嗰個男人唔係Daddy，所以有啲呷醋唔開心。」