驚爆內地紅星誘上房　馬國明為言論道歉：絕無眨低人嘅含意

早前馬國明和吳啟華出席由伍詠薇及林盛斌主持的清談節目時，大爆在內地拍劇期間，有女星主動派房號引誘到其房間，吳啟華更暗示女主角是「萬人迷」，雖然沒有指名道姓，一眾網民即時人肉搜索誰是「萬人迷」，事情引起內地恐慌，有內地網民評擊二人不負責任牽連無辜。結果今日吳啟華在受壓情況下，在微博發文對事件公開道歉。

馬國明今日（2/6）現身將軍澳電視城出席《飛虎之雷霆極戰》記者會時，接受《香港01》就此事回應話：「其實嗰單嘢好耐之前訪問我都講過，曾經試過有人俾過房號我，但我唔知咩事，我緊係唔去啦，當時我唔知係咪一個惡作劇，其實我只係講咗一件咁嘅事。如果引起部份人誤解咗唔開心嘅，我覺得佢道歉都係好正當嘅，如果我嘅言論會引起部份人嘅不安同唔開心，我好誠心同大家講聲對唔住。」（會否出Po道歉？）馬明續說：「其實當時我喺節目中，我只表達當時嘅情景，絕無眨低人嘅含意喺裡面，所以我暫時未有諗過需唔需要喺社交平台出Po道歉。」