朱智賢偷嗒人夫辯因「抽離唔到角色」　 黃智雯：演員要懂得平衡

黃智雯（Mandy）今日（1/5）現身電台為劇集《降魔的2.0》宣傳造勢。提到好友謝東閔受女友朱智賢背叛偷食人夫一事，慘被派帽變成「綠帽男」。Mandy接受《香港01》訪問時表示：「其實係呢啲事發生咗之後，自己就唔會問得太多同俾好多意見，其實咁樣已經係對佢好大嘅幫忙，咁所以作為朋友都應該要俾返足夠嘅空間佢，等佢好好咁處理相關嘅問題，我亦透過短訊問侯過佢，希望事件完結咗之後再見面食飯。」

桃色事件女主角朱智賢開記招，自爆偷食人夫原因是「抽離唔到角色」。作為演員的Mandy曾有否在拍劇時遇到相同問題「抽離唔到角色」？她直言：「我覺得作為一個專業嘅演員要懂得平衡，何時懂得投入就要投入，會做返自己嘅時候，就要懂得做返自己，呢樣嘢係學問嚟嘅，係需要經歷累積。我之前拍《三個女人一個因》嘅時侯，都試過抽離唔嗰角色，情緒上有啲影響，之後我選擇去旅行散下心，又或者學其他嘢，分散自己注意力，一步一步重搭返自己嘅生活。」