【機場特警】何依婷與楊明演情侶直認唔過電　憶舊愛喊到眼腫

何依婷今日（26/4）現身電視城出席無綫劇集《機場特警》宣傳造勢活動。提到在劇中飾演楊明女朋友，二人經常有親密接觸，被問到會否過電？依婷直言唔過電：「因為我係男性絕緣體，同佢拍攝對手戲時，反而會諗緊嗰場戲嘅劇本，咁所以好少畀佢電到嘅。」

（楊明是否鍾意類型？）依婷坦言：「佢唔係唔好，因為好多時候我揀男朋友，唔係只睇外表型唔型同大唔大隻，反而我會睇大家夾唔夾，或者睇更加性格上嘅嘢，所以我揀男朋友會睇好耐，會慢慢觀察佢個人會係點，究竟適唔適合先至會開始。」（現時是否單身？）「同上一任圈外男友分咗手成年時間，我同佢喺咪一齊都幾年時間，當知道大家要分開係好唔開心，好記得分手後第一日返工要拍嘢嘅時候，當一Cut機後，我就即刻企埋一邊喺度喊，喊到眼都腫晒。」