陳山聰每月陪太太產檢 見證胚胎成形心情激動：真係好奇妙
撰文：吳子生
出版：更新：
陳山聰今日（18/4）到新城電台接受節目《開心大派對》主持人薛家燕訪問，為無綫（TVB）新劇《十八年後的終極告白》宣傳。家燕姐透露日前70歲生日，獲山聰拍片賀壽大感意外：「因為疫情下大家都冇得慶祝聚餐，佢哋真係好有心，因為我個女搵佢哋拍片，佢哋都好樂意，嗰日生日收到好多賀壽片，親戚連圈中好友都成百幾人，有咁多人同我過生日真係好開心，咁所以請山聰上嚟電台，為劇集宣傳一下。」
山聰亦提到太太預產期將會在今年暑假，距離BB出世日子漸近，心情興奮又緊張：「而家每個月都會陪太太產檢，而每個月都需要見一次醫生，呢排我又咁啱放緊假，所以我會車佢去，如果要佢自己搭車去，我真係唔係咁放心。」山聰又指見證胚胎發展成人形，心情激動：「因為原來由手指甲咁細，慢慢開始睇住自己嘅BB成長到有手有腳，感覺原來真係好奇妙。」
【開心速遞】呂慧儀疑鬧走女主播 周嘉洛：與事實不符【機場特警】王梓軒被誤會「偷食」鄧佩儀 海旁拍談情戲逼真張若錡IG晒性感睡衣照 盼促膝詳談 網民神級留言：同你捉蝨除痰楊思琦IG貼相公開細仔英文名叫Kody 網民大讚：超得意！