【開心速遞】呂慧儀疑鬧走女主播　周嘉洛：與事實不符

周嘉洛今日（14/4）現身將軍澳電視城出席無綫處境喜劇《愛·回家之開心速遞》宣傳活動。對於近日有指同劇好友呂慧儀（阿蟹）疑不滿女主播周佩婷前來採訪，劈頭第一句話：「你今日有乜講？」，而令阿蟹無名火起，當眾喝斥對方：「你知唔知我哋拍緊嘢？」令對方知難而退，事後遭到網民評擊。

嘉洛就此事表態，感到百般無奈：「其實當日我見到佢哋兩個係好正常嘅對答，過程都好正常，之後我睇到啲報道話佢哋雙方鬧交，甚至有啲報道形容我嘅說法，話阿蟹講嘢大聲，其實嗰個情況冇發生到，完全冇報道所寫雙方爭吵，與事實不符，所以我都好擔心自己會唔會講錯嘢。」（重遇該位女主播會否覺得尷尬？）嘉洛續說：「又唔會，反而大家都會覺得好無奈，好似畀人將件事搞到不斷咁發酵，有啲小題大做咁嘅感覺。」