【新冠肺炎】推「禁酒令」　前酒吧老闆馬蹄露：盡量少去最為理想

新型冠狀病毒肺炎（COVID-19 俗稱武漢肺炎）疫情持續，行政長官林鄭月娥宣佈將會透過修例發出「禁酒令」，受影響食肆酒吧超過8600間。對此，曾在大埔開設酒吧的馬蹄露接受《香港01》訪問時呼籲大家少去酒吧最為理想！

馬蹄露曾經與前夫在大埔開設酒吧，身為老闆娘的她經常落酒吧撐場，但原來多年已將酒吧轉讓：「真係仲有好多人問我間酒吧點，幾年前有個臨時演員同我講，話喺我間酒吧度打工！根據我嘅記憶絕對係冇可能請過佢做夥計，因為佢係得24歲！」她更笑言：「唔知會唔會因為啲人仲以為間酒吧係我嘅而特登走去幫襯呢？」

而對於政府的「禁酒令」，她就表示：「喺呢個疫情仲未減退嘅時候，大家都應該注意健康，同埋要愛惜自己身邊嘅家人，所以盡量都係少去酒吧最為理想！」她又提議：「其實我都知道啲人去酒吧飲酒，都係想享受氣氛！所以大家不妨喺屋企，動下心思將一個角落佈置成好似酒吧咁，咪唔使去酒吧飲囉！」