【逃犯條例】馬蹄露首度回應遇襲事件：我係憑自己良心良知去做事
撰文：吳子生
出版：更新：
馬蹄露於10月初在旺角西洋菜南街提款時，疑舉機拍攝示威者情況，惹起在場人士不滿，雙方發生衝突，其後遭到多人圍毆受傷，連手機也被搶去，事後分別頭部、咀角及下巴頭受傷需要送院縫針治理，面上留有疤痕。
提到傷勢康復情況，馬蹄露今日（5/11）出席《十二月星辰》活動接受《香港01》訪問時說：「傷口前都有發炎，不過而家算係啱啱好番，雖然面部留有傷痕，但又唔會話見到唔開心嘅。」問及有否覺得當日太過衝動，馬蹄露坦言：「其實自己本身嘅性格係多管閒事嘅，屋企人成日都笑我，屋企倒瀉嘢都有我份，其實我都係憑自己嘅良心良知去做事，成日諗嘢係會用咗自己當時嘅感覺心情去做事，可以講唔係好深思熟慮，我認自己係比較衝動嘅，不過隨著自己心意去做係最舒服嘅，咁所以都覺得OK嘅。」對於社會上有不少聲音要求成立獨立調查委員會，馬蹄露表示贊成：「希望唔好只係查警方，係乜嘢都要查。」
回顧馬蹄露受襲當日畫面