《城寨英雄》搞飯局　胡定欣叫大家留意劇情：帶定紙巾

無綫劇集《城寨英雄》今晚舉行飯局慰勞台前幕後，包括監製文偉鴻及武術指導郭追，而劇中演員胡定欣、袁偉豪、王君馨、伍允龍、元秋、劉佩玥及吳家樂等亦有出席，另一主角陳展鵬則因為有事在身未能出席。

「刁蘭」胡定欣表示等了這餐飯好耐：「對上一次大家一齊食飯已經係煞科，播咗兩個星期已經可以食飯，證明收視好，希望我哋之後可以繼續食飯。」講到劇中與「拳佬」陳展鵬的感情線將開始，定欣就透露之後觀眾要帶定紙巾：「因為發生咗一件大事影響我們的感情，大家拭目以待。」

至於留了一面鬍鬚的「牙佬」袁偉豪（Ben）就指，觀眾喜歡這套劇集是因為張力夠勁：「證明有水準，可以吸引有要求的觀眾。」阿Ben透露稍後將會到北京宣傳《城寨英雄》，自己的新造型原來是配合即將開拍的新劇。

另外，對「牙佬」有意思的「花曼」王君馨（Grace）就表示，最難忘是拍攝脫衣舞的場口：「拍打戲都冇咁難，為咗呢場（脫衣舞）戲練咗好耐，我自己都做了很多research同搵老師學。」提到她昨日為好友G.E.M.炮製出西瓜生日蛋糕，Grace則謂：「想整好耐，因為佢同我講要keep fit，咁啱佢又係夏天BB，而我昨天早上無工作，所以就整咗個送俾佢。」