【城寨英雄】胡定欣生擒袁偉豪不尷尬：未試過咁「咸濕」

近期熱爆的電視劇《城寨英雄》，讓觀眾再度戀家，每晚準時黐住電視等睇劇情最新發展，所以昨晚的收視又有新高，平均收視有29點，最高收視更有31點，《城寨英雄》可謂帶領TVB重返高潮。而今日一眾演員胡定欣、袁偉豪、劉佩玥、王君馨、伍允龍等人齊齊現身宣傳，也為劇集有好收視而高興。

劇集昨晚的焦點莫過於是胡定欣「生擒」袁偉豪一幕，引起網民熱話，大讚定欣不愧是視后。「被擒」的袁偉豪笑言毫不介意，仲話：「畀視后擒真係好幸福！」他和定欣拍攝這個場面時，彼此經已很熟稔，因此就算有身體有緊密的接觸，也不會尷尬。袁偉豪仲講笑話：「拍那場戲還被導演偷拍，笑我有生理反應！不過我和定欣確實好放，定欣出了8、9成力，我都叫她要出盡全力。」

至於胡定欣對於「生擒」這場戲，就話「大家都畀咗好多錢去拍」，「之前畀袁偉豪、陳展鵬係咁打喎，當然要擒返佢哋啦，我拍嗰時都放開晒，都未試過表露自己咁咸濕嘅一面，好在我和袁偉豪都好有默契。

定欣見到觀眾如此支持，她也很開心，「套劇播了一星期反應就好好，可以讓大家看到我們很投入、傾力的演出，而且每個動作場面都拍得很用心，最難忘就是刁蘭這個角色有很多面，又搞笑、刁難、背後好sad的故事，自己一年後睇返都有好多回憶湧晒出嚟。」而她看回被陳展鵬怒打心口的一幕，都話覺得好痛：「拍到最後一下都忍唔住話唔得啦！」而日後會否朝打女路線發展？定欣就話：「多謝今次套劇製造一個條件畀我，如果有機會的話都會想再嘗試下。」