【如夢之夢】口碑好到再三加場 潘燦良溫提觀眾：千祈唔好遲到！
由蘇玉華、潘燦良和蔡思韵（Cecilia）等主演的賴聲川名作《如夢之夢》上月在西九文化區「自由空間」正式上演，由於口碑極佳，主辦日前宣布加開9月11、12日兩日場次，門票在日前已分別於城市售票網以及西九文化區公開發售。
早前，一眾主演到上環綵排，飾演少女版「顧香蘭」的蔡思韵接受《香港01》訪問時坦言對住鏡頭演戲比起在劇場輕鬆：「雖然我喺大學係讀劇場，但係真正經驗唔多。」
蔡思韵又指自己雖然未能與飾演成年版「顧香蘭」的蘇玉華有對手戲，但仍能在對方及其男友潘燦良身上學習不少：「佢哋準備得好充足，佢哋嘅筆記係寫滿晒，見到真係會自愧不如，要多啲去學習。（你Mark得唔夠足？）我係會喺劇本上寫筆記，佢哋係另外有本筆記寫。」提到《如夢之夢》的舞台設計以中空環形包圍觀眾，單是出入口已有數個，她即笑說記走位確有難度：「我驚我迷路！」
蘇玉華和潘燦良受訪時亦認為記出入口、走位需時，其中蘇玉華更稱《如夢之夢》是從演以來難度最大作品，畢竟這是一套有90場戲，劇本長逾200頁的劇作，蘇玉華坦言：「係咪入行以嚟最難演嘅一套戲？幾乎係！」而困難最主要來自綵排場地和表演場地之間的差異，潘燦良補充說：「要寫定貓紙，記低邊度入邊度出，因為太多出入口，唔係平時得左右兩邊。」
提到潘燦良今次在《如夢之夢》裏面飾演「五號病人」，與2002年《如》劇首次來港時角色相同，他便指這個是緣份，又指兩次演出的心態、體會都不同，因為經歷過的生離死別比以前多：「我覺得會比以前入咗，唔係技巧上改變，理解角色上改變，而係講每一句對白都有比以前唔同嘅領會。」
《如夢之夢》全劇長達8小時，問觀眾入場前是否要有心理準備，蘇玉華即笑稱觀眾毋須少飲水：「個幾鐘就有個Break喇！」潘燦良則叫觀眾切勿遲到：「如果遲到，中間個『蓮花池』係唔畀入，因為我哋唔會畀你哋橫過個舞台！」