【娛樂大家】監製邀第二次上節目有原因　連詩雅：想我做下靶位

連詩雅（Shiga）日前（15/8）為無綫綜藝節目《娛樂大家》進行錄影。她自言雖然今次已經是第二次上節目玩遊戲，但仍然力有不逮。Shiga接受《香港01》訪問時說：「我玩遊戲係比較渣，哈哈，但係唔緊要，為咗節目我都落力玩。監製搵得我上嚟，其實都係想我做個搞笑嘅下靶角色。」

早前周柏豪（Pakho）因不明原因而將經營數年的IG帳號內的全數照片刪去，至今他仍然未有就事件回覆。份屬多年同事兼同公司的Shiga又有沒有了解事件呢？她回答：「真係唔清楚，關於佢個人嘅事，我都不能夠代表佢作答。」會否擔心自己也需要刪Post？她說：「暫時未有，不過有咗互聯網之後，我都會諗清楚先Post。」她又表示，自己多數也是與粉絲分享工作照或一些個人照片。