【性敢中環】原來重點係講友情　連詩雅：呢套唔同《喜愛夜蒲》

連詩雅（Shiga）今晚（10/6）出席在中環舉行的網劇《性敢中環》首映禮。Shiga在劇中飾演一名能醫不自醫的心理醫生，卻在感情方面處處碰壁。她表示這套網劇與過往《喜愛夜蒲》電影系列大不同：「因為《性敢中環》個「敢」，係敢愛敢恨個個敢，所以係好唔同，係講梗我哋5個嘅女仔嘅生活，講述宜家時尚女性佢哋點樣去自主，同埋我哋5個女仔之間嘅友誼，其實去蒲嘅生活並唔多，反而係講生活上一啲嘅要求。」

提到感情方面，Shiga直指自己比較少談論感情事：「其實都希望觀眾將焦點放係我工作上面，至於私人生活就好少攞出嚟講，因為我始終覺得呢樣嘢係私人嘅事，嚟近嘅工作都會拍一啲遊戲節目啦，又會派新歌呀，呢套網劇我都有份參與唱片尾曲，我好期待，2019年都會係我幾好嘅一年。」