【包青天再起風雲】「反修例」影響收視 譚俊彥：逆境波都要打
撰文：林迅景
出版：更新：
無綫劇集《包青天再起風雲》首周錄得平均收視為21.9，7月29日至8月4日為23.9。雖然回起2點，但對比以往劇集收視，卻令人失望。有網友就歸究於因劇集主角譚俊彥冇觀眾緣，也有分析指是因為近期「反修例」的影響。
今日（15/8）大會將《包青天再起風雲》劇集宣傳設在將軍澳無綫電視城中舉行。劇集中飾演主角包青天的譚俊彥接受《香港01》訪問時，解釋收視低落的原因：「其實你睇數據，乜嘢都有影響，社會環境當然有影響啦。我自己嘅運數當然亦有影響，上一套劇又係咁啱撞正世界盃，呢套劇又係咁。」
他續説：「順境波，逆境波都要打嘅。我覺得打咗咁多次逆境波，點都會有順境波嘅。我會繼續努力！」會否因收視低而唔開心？「講真，心入面梗係會唔開心啦。因為我係一個比較負面嘅人，我會鑽牛角尖，但係當隨著時間慢慢過去，又睇返觀眾嘅反應，甚至乎出街嘅時候有觀眾會同我講我做得好好笑，好鍾意睇。」
他更分享了一次印象深刻的經歷：「我記得有一次去活動嘅時候，有個觀眾叫我同佢媽媽FaceTime，先知原來仲有好多人支持，我都覺得好開心。」
【包青天再起風雲】不捨梁舜燕離世 胡定欣眼濕濕：佢真係上等人【包青天再起風雲】宋代做官年年加薪 包青天人工拍得住香港高官【包青天．專訪】張振朗被天降橫禍負傷拍劇︰呢套劇唔係咁容易拍【包青天再起風雲】活死人果真存在？ 貴州出現成千上萬活人墓【包青天再起風雲】張振朗公開替身合照：都幾似樣呀【包青天】新展昭打鬥場面是是旦旦 24年前黃日華版一招打爆山崖