81歲資深演員夏萍日前離世　契仔林家棟：佢想見嘅人都喺晒度。

今日（12/8）有消息指，入行60年的著名綠葉演員夏萍（原名：盧少萍），不幸於今年8月5日離世，其喪禮將定於8月19日在萬國殯儀館設靈，並於翌日出殯。
據相關報道指，夏萍生前好友梁健平表示心情仍然未平復，透露喪禮事宜可向林家棟查詢。

林家棟：「佢走嘅時候好安詳」

夏萍姐契仔林家棟接受《香港01》記者時證實夏萍的死訊，稱她早前因為嚴重中風而住進護老院：「加上佢都有高血壓，糖尿病咁，醫生都好盡力幫佢，但係啲藥幫到A又幫唔到B，幫到B又幫唔到C，到8月5日終於都捱唔住，不過佢走嘅時候都好安詳。」家棟亦稱他和家人在夏萍生前都經常到護老院探望她，家棟補充謂：「佢走嗰時，佢想見嘅人都喺晒度，阿女呀，啲子子孫孫呀，KK（張國強）呀，佢個仔就咁啱唔喺香港，但佢都盡快趕返嚟。」之後家棟亦稱夏萍將於8月19日設靈。