蕭正楠呻同曹永廉開騷似照顧長者：要顧佢感受
撰文：吳子生
出版：更新：
蕭正楠昨晚（10/8）以表演嘉賓身份出席第27屆「海外學生仁濟夜2019」慈善餐舞會，為「緊急援助基金」籌募經費。阿蕭透露稍後會上台獻唱三首名曲為慈善籌款：「每次有機會上台唱歌真係好開心，知道啲海外學生都好鍾意唱歌，咁所以揀咗一啲歌可以大家一齊合唱嘅。」
9月5日曹永廉與蕭正楠兩位情心好兄弟，將於九展開單場演唱會，問到採排情況，阿蕭就話：「呢個演唱會我都係唱其他人嘅歌，只係可惜自己啲歌唔夠唱，咁所以都唔會揀啲好高深嘅歌，其實我好鍾意大家一齊大合唱，我係非常開心。」（會唔會除衫騷肌？）阿蕭笑言：「只係我爆，阿廉爆肉就唔好啦，我要顧及佢感受，其實我有諗過話跳舞，佢話唔跳，其實阿廉做騷，真係有好多嘢要就佢，因要照顧好長者。」