黃心穎傳已離港避開是非　暗交許志安半年經常一齊健身撐枱腳　

喺黃心穎嘅IG集郵簿當中，除有唔少同馬國明合照之外，許志安喺呢兩年間亦頻頻出現，到底年齡差距逾廿載嘅「安心」係由幾時開始，相信只有當事人最清楚。再睇睇許志安同朋友、同事嘅合照，或者係因為黃心穎老是常出現嘅緣故，所以有消息指「安心」其實已暗交半年多，之不過，由於男嘅有家室，而女嘅又有公開男友，加上二人在工作上大纜都拉唔埋，所以才未有引起懷疑。

之不過，凡走過必留下痕跡，有網民發現安心上月初曾經齊齊去到九龍城撐枱腳，雖然未有同框畫面，但二人就分別與職員合照，而餐廳事後將合照上載到FB並發文：「嚟XX食飯，順便撞星星#許志安#心穎BB。」儘管安心喺工作上大攬都拉唔埋，但二人均使用同一健身室，故私下見面嘅機率可謂十分高。

自從偷食事件後，黃心穎一直未有現身，就連道歉都係透過無綫高層樂易玲向傳媒交代後，自己才在IG發文。有報道指，黃心穎於上星期已知悉偷食片段將會曝光，而當時她正身在大馬與黎諾懿拍攝《懿想得到》，被嚇至失魂落魄兼嚴重影響拍攝進度，導演見勢色唔對，隨即與樂易玲報告，隨後黃心穎才和盤托出。報道又指，樂易玲對於黃心穎偷食一事感到十分憤怒，除勒令她不用拍攝《懿想得到》之外，並著她立即離開，飛返溫哥華避風頭。

否認黃心穎離港傳聞　樂易玲：佢喺香港！

不過，樂易玲今晚（19/4）卻否認黃心穎離港消息，她接受傳媒訪問時說：「佢喺香港！」提到黃心穎主演的劇集被抽起，她便指未知最後播出的時間，只希望事件可以盡快過去。至於會否與黃心穎解約？她答謂：「暫時未諗呢個問題，佢仲有好長嘅約，暫時停工係佢自己嘅意願，始終需要時間。（佢會親身交代事件？）等佢Ready先，暫時都未得，我哋都好擔心佢，而家淨係播首歌都反應咁大，遲啲先。」

【力撐黃心穎】落選港男梁裕恆大起底 曾揚言：我想要知名度！