【鐵探】激減20磅演神探　袁偉豪向爸爸致敬：將呢套劇獻畀佢

袁偉豪（Ben）今日（29日）在將軍澳出席無綫重頭劇《鐵探》記者會。Ben回想起一年前拍攝《鐵探》期間，爸爸因病離世，是人生中經歷最艱辛痛苦的時刻：「喺18年嘅時候，我真係冇辦法做返真正嘅袁偉豪，當時我用咗兩日時間，處理爸爸身後事，第三日我就要拍殮房認屍戲，情景同之兩日一模一樣，令我好深體會『人生如戲，劇如人生』，我好想將呢套劇送畀我爸爸，同時獻畀我哋嘅全香港警務人員，向他們致敬。」

無綫重頭劇《鐵探》下星期一晚首播，劇情講述重案組督察尚垶（袁偉豪飾）頭部中槍，捲起權鬥風暴，爭權角力陸續上演。Ben表示：「為了呢個角色，我減咗20磅，想喺銀幕上呈現一個有病嘅狀態，畀觀眾睇到，坦白講呢次係我第一次試，其實我都尋求梗一個突破畀自己，其實都希望話到畀觀眾知袁偉豪，唔係只係騷肌肉，對我嚟講都係一個就挑戰。」