【開心速遞】新CP誕生？　吳偉豪帶狗行山冧鄧美欣：唔介意佢成熟

無綫處境喜劇《愛·回家之開心速遞》，今日（8/3）在將軍澳電視城17新廠舉行「威龍廣場」開張拜神儀式。出席演員包括有劉丹、單立文、呂慧儀、林淑敏、許家傑、袁文傑、周喜洛、吳偉豪及滕麗明等。吳偉豪開心表示：「入到新廠嘅感覺冷氣大咗啲，同埋覺得環境大咗闊落咗又歡樂咗。」

早前吳偉豪在IG放閃去行山，相中所見有落選港姐鄧美欣同行，在大合照時唯獨兩人坐得勁埋，有指兩人暗撻。吳偉豪接受《香港01》訪問時說：「其實𠴱日我唔知有邊個去行山嘅，只知焦浩軒會去，我就話會帶埋隻狗去，咁啱影咗啲相又畀人咁寫都冇辦法啦。」（覺得個女仔點？會唔會發展姊弟戀？）他笑言：「我覺得佢個人OK嘅，但發展就睇下點啦，隨緣啦真係唔知，唔介意姊弟戀，咩都唔介意，大個嘅女仔係成熟啲，都係隨緣啦，夾就夾，唔夾就唔夾。」

吳偉豪又高大又靚仔，仲要係運動型，好無敵！