【開心速遞】Bonnie入屋有驚喜 脆香雞翼同芝蛋脆雞海報輪住出場
撰文：鄺鈺瑩
出版：更新：
《愛‧回家之開心速遞》深受觀眾歡迎，亦同樣深受廣告商嘅歡迎，而自從通訊事務管理局放寬電視節目有關間接宣傳的規管後，植入式廣告可以話喺劇中無處不在，就好似前兩日嘅廢青再培訓上下集，雖然大家嘅目光可能落咗喺譚道德（陳榮峻）同安仔（周嘉洛)之上，但其實譚家門外，亦同樣有笑點。
話說當Bonnie（林凱恩飾）準備入屋之際，爸爸譚道德同佢講未搞掂安仔，叫Bonnie喺熊家住多兩日。就係Bonnie身處嘅走廊，竟然出現麥當奴超值選廣告！雖然係同一個Bonnie同一條走廊，但佢背後嘅廣告就分別出現過12蚊芝蛋脆雞包同10蚊脆香雞翼，唔細心睇真係難以發現麥當奴已融入家中。