鄭中基預告「三代同堂」於紅館Jam歌　7歲囡囡Emma擔大旗唱足全首

將於在農曆新年開紅館騷的鄭中基（Ronald）近日加緊綵排，坦言心情緊張又興奮，皆因今次特別有三代同堂表演，愛女Emma有別之前上台唱幾句賀年歌，囡囡今次親自揀歌兼唱足全首，爸爸鄭東漢則負責結他伴奏。Ronald笑言：「同Emma綵排個陣時，我以為佢會緊張，點知好輕鬆，搞到我都唔知點算好，我諗咗好多佢緊張嗰時要點樣安慰囡囡嘅方法，而家全部用唔到。不過OK嘅，大家嚟睇吓佢表演成點啦。」Ronald愛女之情表露無遺，連太太余思敏也緊張埋一份，早前囡囡考試未能參與綵排，太太開金口代唱幫忙錄demo，讓囡囡在家一邊聽一邊練習。 

Ronald於兩年前舉辦《Play It Again》演唱會後，適逢為拍攝自導自演電影作品《阿龍》，谷肌增重至168磅，現在為了開騷，又要進行地獄式減肥，他說：「而家幾成功，去番140磅左右，目標係138磅，講意頭『一生發』。」問到今次如何為演唱會操弗？Ronald分享減肥心得—戒油膩、戒肥豬肉、如果沒有舉重就戒澱粉質、可食雞牛、多食蔬菜、煮食用橄欖油；隔日交替做器械、有氧運動。至於時值流感高峰期，Ronald表示做足防護措施：「戴口罩，少去人多地方，食多啲生果、做多啲運動增強抵抗力。」他又呼籲大家打流感針。

提到今次演唱會，很久沒出新歌的Ronald，希望大家練熟由他、Joey Tang、KB及梁柏堅以組合「嚿飯咁」創作的新歌《廢中》，到時全場大合唱。他又搞笑提醒歌迷記得帶錢：「上一次大家以為我派利是，其實係你哋派利是畀我㗎！同埋今次有好多紀念品賣，例如T恤、衛衣、帽，鍾意就買多幾件拜年送禮，啲人會好開心。」

演唱會除了每晚邀請到陳明憙（Jocelyn）擔任嘉賓，另有不同藝人好友坐陣。Ronald坦言在新春期間碌這張人情卡，並唔容易：「適逢過年，好多人都出埠，好在幾經辛苦都請到，大家唔使擔心。」他表示大部分嘉賓都有場次要求，不過沒有爭唱頭、尾場，只是按照他們自己日程去指定場次，皆大歡喜。