重提飛機醉酒黑歷史　鄭中基：第一次攬住爸爸喊！

兩年前舉行了出道二十年的回歸舞台紅館演唱會的鄭中基（Ronald），最近宣布明年2月再登上紅館舞台。日前，他接受電台節目《1圈圈 星光背後》訪問，竟然重提當年「飛機醉酒事件」時，感觸地透露沒想到父親鄭東漢完全不怪責，反而先關心自己。

身為金牌大風大老闆鄭東漢之子，Ronald的星路比其他藝人平坦，一出道就跟歌神張學友護合唱《左右為難》，就算樣子不討好，還是一炮而紅，畢竟已贏在起跑線上。他曾推出過多首金曲《晴天陰天雨天》、《相思無用》、《我代你哭》等，更紅到去台灣，不過2000年卻令他幾乎身敗名裂。

2000年2月16日，Ronald乘搭長榮客機由美國洛杉磯去台北，期間他在機上飲酒食煙，還大聲講話。當機艙服務員上前制止的時候，Ronald竟然不肯靜下來，還扯空姐頭髮及用手叉副機長的頸，機長見不能控制場面，惟有用電筒扑穿Ronald頭部將他制服，然後將飛機緊急降落美國阿拉斯加首府安克雷奇（Anchorage）。著地後，美國FBI將鄭中基拘捕，並控告他襲擊和騷擾兩項罪名，最後被判罰2,500美元兼留案底。

Ronald因這件事形象插水，事業亦受到重創。對此，他在節目中透露，當年父親不但沒怪責自己，反而稀有地抱著自己說心底話：「我以為佢會好嬲，以為佢會說『你走喇！以後唔使返嚟！』。反而佢冇，佢第一件事就係攬住我，攬得好緊，由細到大第一次咁！」Ronald續指父親是個少說話的人，當時父親抱著自己說，並叫他先好好休息，有什麼事之後才慢慢說：「嗰刻我簡直忍唔住，喊得好犀利，爸爸從來未試過咁深情同我講嘢，到我都做咗爸爸嘅時候我就明，好多時候我都唔知點講出口，但並唔代表我唔愛你。」

自從當上爸爸後，Ronald一洗過往予人「喜愛夜蒲」的形象，面對著女兒出世，Ronald直認因而改變很多，原因是自覺女兒需要自己多於朋友：「我覺得我需要畀安全感佢，所以自自然然所嘢都企喺小朋友角度諗。」至於談到夜蒲生活，Ronald笑言現時已經沒有朋友找自己出去玩：「唔好話夜場，淨係講食飯，去飲杯酒傾吓偈都幾乎冇。但囡囡係冇，我點可以掉低佢呢？而且照顧小朋友並唔係大家想像中咁容易，陪佢玩、攬吓佢都好攰，好多嘢要注意。」