鄭中基農曆年搞個唱不開初三場　原來並非怕「赤口」

《鄭中基One More Time 世界巡迴演唱會 - 香港站》即將舉行，今日舉行的記者招待會中，鄭中基（Ronald）親身向傳媒講解個唱精彩內容，而爸爸鄭東漢、太太余思敏、還有仔仔Evan，亦有到場支持。演唱會本身只有三場（三十晚、年初一、初二），但因為反應熱烈，優先訂票開售已全面爆滿，所以火速加開年初四場。

被問到年初三是否有機會再加場，Ronald笑說不會在初三赤口拜年，加上上次一口氣連踩四場，尾場聲線變得沙啞，所以安排年初三休息養聲。提到近年黃牛黨、排隊黨肆虐，日前政府有關部門亦提出會加重刑罰打擊黃牛，愛錫歌迷的Ronald，表示門票開售首日（明天11月21日）不設售票處售票，希望歌迷可以公平購買心儀場次和前排靚位，不用再幫襯排隊黨，加上今次會提高公開售票的比率，相信這次雙管齊下的方法，最大得益者一定是一眾Ronald的歌迷。

提到今次演唱會有什麼秘密武器？Ronald笑言會有新歌帶畀大家之餘，他的組合「嚿飯咁」亦會有新歌登場，加上會有另一隊band做特別嘉賓，因此欣賞他的演唱會，可以一次過睇到兩隊勁band演出。