Angelababy激罕回港出活動　笑談兒仔未識逗利是：佢話胳肋底有錢

久未在港露面的Angelababy（楊穎）今日（29/1）在尖沙咀出席新春活動，她在台上透露今次已是第11年參與活動，笑指即使如此仍自覺年輕，但原來今年已經不經不覺30歲。談到去年最開心的事，她說：「『小海綿』而家識講好多嘢，睇住佢每日進步。（點同『小海綿』慶祝兩歲生日？）帶咗佢出去同朋友食飯慶祝，朋友買咗好多蛋糕畀佢，但佢淨係掛住食蛋糕唔影相。」

對於豬年願望，Baby直言想多休息，因近年工作繁忙，所以想多點時間陪小朋友：「呢幾日都有啲感冒，知最近流感厲害，希望大家身體健康。」又笑謂兒子還未知道利是錢是甚麼：「每次問佢有冇有錢，佢都話有，喺胳肋底。（教佢理財？）而家佢仲未有呢個概念，所以會幫佢將利是錢先儲起。（今年準備幾多錢派利是？）呢排都忙緊工作，未開始準備利是，到年初一先有得休息，可能過完年再派。」

睇擊下圖觀看活動其他相片：