【我不怕唱歌？】謎之MV原唱終極現身獨家回應　估唔到竟然係佢！

早幾日分享咗一首「謎之MV」，只見各位網友都議論紛紛又話係田蕊妮，又話似胡琳呀，就陳曉東都話似彭羚嘅呢位「原唱」終於都喺今日（8日）展現真面目！仲獨家回應咗《香港01》嘅報道添！事不宜遲，即刻睇下佢係邊個先！

【我不怕唱歌？】神秘MV網上熱估 陳曉東大讚：聲音好通透！

點擊睇片：

Aka出新歌改唱腔

其實女子組合Super Girls 隊長趙慧珊 （Aka）首新歌叫做《你在聽嗎？》，亦係繼團友吳嘉熙後，第二位「單飛」出歌嘅成員。今次Aka除咗唱之外，仲參與埋填詞嘅部分，當然亦都係MV嘅女主角啦！其實上次「謎之MV」度都見到佢個側面同背面，亦都有唔少網友憑呢點估到係Aka！不過Aka今次同過往喺Super Girls嘅合唱，或者係出活動嘅獨唱嘅唱法同唱腔都有好大變化，網友們認唔出都係在所難免。

濕身閉氣博到盡

話晒都係首次出個人歌，Aka今次喺MV真係博到盡！除咗搵嚟好友纏綿跳舞之外，唔熟水性嘅佢仲玩埋「濕身」，浸水入面閉氣拍攝，最尾仲「嗆親」添：「因為自己唔太熟識水性，結果拍攝嘅時候飲咗好多水，又嗆親，耳仔都入埋水。雖然已經係浸暖水，不過拍攝嘅時間係凌晨，都幾凍！」