Jessica@Super Girls應對乾燥天氣有辦法 想做女神最緊要識呢樣
撰文：翁漢瓏
出版：更新：
Super Girl的Jessica 昨日（21號）出席化妝品宣傳活動，席間亦有提及自己近況：「我地最近啱啱推出咗新歌《睡衣派對》，好快會有公開表演俾大家睇，所以幾乎晚晚都要去練舞，呢兩日又去咗台灣拍一個美妝主題嘅綜藝節目，都係啱啱先翻到，然後就過嚟宣傳活動，時間都幾趕下。」
提到最近天氣轉凉，Jessica 原來都有應對辦法：「我覺得保養皮膚一定要由內到外，平時除咗飲多啲水，仲要食多啲生果同蔬菜，咁樣皮膚先至會有光澤，出嚟個效果先好。」
問到要做女神除咗需要識扮靚之外，仲需要具備咩條件，Jessica 就咁答：「我覺得最重要係時常保持笑容，因為笑容可以比到人親切和善嘅感覺，保持笑容就更容易受人歡迎。」