余德丞冧爆挨實蔡思貝公開戀情？：人與人之間嘅關係就係咁奇幻

余德丞（Dickson）與蔡思貝（Sisley）因為合作主持旅遊節目《緬甸奇幻旅程》而成為好友，兩人日對夜對，感情都逐漸升溫，更有傳他們因而撻著，不過兩人一直處於「好朋友」的階段。昨晚（30日）Dickson在IG上載了兩張與思貝的合照，其中一張他更合埋眼，一副冧樣咁將個頭挨落對方膊頭，整個畫面非常甜蜜！

不止合照親密，Dickson的留言都相當令人充滿遐想：「人與人之間既（嘅）關係就係咁奇幻 佢鐘（鍾）意睇書 我鐘（鍾）意睇波 佢鐘（鍾）意刺激 我鐘（鍾）意舒適 佢唔鐘（鍾）意俾人控制 我鐘（鍾）意控制人 可能就係因為咁 當我亂咁噏當秘笈 佢會講埋我份台詞 當我認真同人溝通緊 佢會係汁（側）邊輕鬆慢慢等 下刪一千字」呢段留言令到兩人的緋聞更加疑幻似真！Dickson將自己與思貝的關係形容到好似Perfect Match咁，當然引來網民高呼「在一起！」

原來Dickson只是為了拉票，事關兩人憑住節目有份角逐台慶頒獎禮的「最受歡迎電視拍檔」獎，他還大讚思貝是最佳拍檔。雖然Dickson這段話令不少網民誤以為他是公開戀情，但亦有人讚他們好合襯，好有夫妻相。

其實Dickson與思貝一直都好親密，今年8月Dickson踢波期間突然昏迷入院令全城哄動，網民更一度發起集氣活動，望他可以盡快甦醒。而思貝當時就即刻到醫院守候，Dickson復工當日亦都孖住思貝出席活動，期間更毫不避嫌地跪地送花，活動之後又同思貝父母合照一家親，可見他們交情匪淺！