余德丞病癒後首公開露面　蔡思貝孖住台上打情罵俏：呢啲係默契！

上月余德丞因踢足球導致昏迷入院的新聞令全城哄動，在他昏迷期間網民更一度發起集氣活動，祈求余德丞可以盡快甦醒！事隔個半月左右，余德丞終於在公開活動現身，只見他精神抖擻，依然是一名朝氣勃勃的陽光男孩，而且今天他更毫不避嫌地在台上向緋聞女友蔡思貝跪地獻花，兼與思貝父母四人合照，場面既溫馨又浪漫！德丞與思貝在台上又眉來眼去，不時打情罵俏，簡直羨煞旁人！

蔡思貝搶答感情問題似代言人

活動後二人接受《香港01》訪問時，被問到兩位今日是否以情侶身份現身？思貝即回應：「呢個係好朋友身份！（台上不時打情罵俏？）呢啲係好拍檔嘅默契！你誤會咗喇先生！」而今日思貝的父母都有來到活動現場，四人更大方合照似足全家幅，問二人會否感到尷尬？思貝又搶答：「我十個有九個朋友都見過我爹哋媽咪，我爹哋媽咪好開通，好鍾意同我啲朋友打成一片。」德丞接著說：「係咩？咁我都過去同佢哋打成一片先！」

余德丞感激網民集氣令他甦醒

不過德丞都沒有偏心思貝，借首個公開活動的機會向自己不適期間照顧過他和慰問過他的人道謝：「好多謝我媽咪同埋啲親戚，因為我喺醫院嘅時候一日三餐都照顧得我好好，喺昏迷期，都有好多人嚟探我，我好多謝佢哋，就算無嚟醫院嘅我都多謝你哋啲訊息，仲有啲粉絲DIY卡，拍嘅片，同埋全香港嘅市民又為我集氣令到我醒返，（思貝係第一個嚟探你？）唔係，輸咗畀我經理人。」