吳若希攬實囡囡騎住老公　一張相話你知邊個係屋企話事人

吳若希 (Jinny) 同老公Alex以及囡囡淼淼一家三口一向好幸福，她亦不時於ig上載家庭樂的靚相同大家開心share。雖然早前Jinny為宣傳新歌，曾經於訪問中公開大爆老公曾經背叛過她，指老公於兩人拍拖期間疑似一腳踏兩船令她很傷心，最近又埋怨老公不去接她機，不過她都只是跟老公耍下花槍啫，並無損他們夫妻之間的恩愛感情嘅。

呢日Jinny就於ig post了他們一家三口的新相曬幸福，相中見到Jinny攬實囡囡一齊騎住老公，Alex則趴在一隻大假龜上扮龜，形成了一個「大石砸死蟹」的畫面，溫馨得來似乎暗有隱喻。有網民就話張相好似講出了Jinny一家的權力分布情況，毫無疑問Jinny就係家中話事那位，而Alex卻在食物鏈的最底層，完全受制於Jinny同囡囡，難Jinny笑到見牙唔見眼啦。