【是咁的，法官閣下】準媽咪陳華鑫懷孕8個月：醫生話可能會早產

亂影相呃like，隨時會出事！台慶劇《是咁的，法官閣下》日前就講到飾演實習律師潘琪的陳華鑫（Gloria）竟然知法犯法，於庭上偷影相兼偷竊，最後被判罪名成立，罰款二千蚊，有機會影響獲取大律師資格。劇中，Gloria的種種行為的確令人髮指，但她憑四眼律師look，獲得網民大讚省鏡。現實中，Gloria是一名準媽咪，至今懷孕8個月。

被網民激讚，Gloria都指很喜歡這個角色，她稱：「雖然係一個case人物，但個故事好完整，所以可以投入去做。好多謝陳耀全Andy監製，因為佢搵過我做幾次角色都係有得發揮。」Gloria今年一月下嫁生意人男友周國榮，婚後二人極速造人成功，於八月公布有喜。問到預產期，她透露：「本來12月尾先預產期，但係應該會早產，所以而家好緊張。（點解會早產？）我子宮頸短，所以而家日日都要瞓床。（瞓咗幾耐？）瞓咗兩星期，但因為冇嘔，胃口又好好，又瞓得。只不過係子宮頸短，唔可以走來走去。」

Gloria更透露醫師話BB會隨時出世，但自己未必會提早開刀：「我想順產，但最後會由醫生決定。（知道BB性別？）唔講住，因為好快會知道。（會餵母乳定奶粉？）母乳，可能會係早產BB，所以加倍小心。」至於產後會否復出，她就笑言：「暫時會努力安胎，生完睇吓公司會唔會俾機會我拍劇。」