【是咁的法官閣下】二手飯演員郭韻浩堅係窮：連續三個月日食一餐
《是咁的，法官閣下》不經不覺已經播到第十一集，這部劇集收視不算太差，頭一星期有23點，算是不過不失。該劇的特色就是經常拿一些真真正正的案例作藍本，上星期最後一集便是仲謙（林景程飾）負責的偷人奶案，在這單案過後，仲謙發現鍾師爺竟扣其律師費，之後他便不停在反思自己，結果在一間茶餐廳裡面，他碰上了一個食二手飯的人，並希望自己不要變成這樣。
雖然重點應放在仲謙身上，但當這個食二手飯的人一出現，網民立即起哄，因為覺得他酷似台灣藝人阮經天，咁究竟佢係邊位呢？
這位演員其實名字叫郭韻浩，他並不是TVB藝員，只是一位特約演員。雖然如此，但其實他是TVB出身的，在接受《香港01》訪問時，他表示自己是2013年27期藝訓班的學員，畢業之後轉做特約已經4年時間，當初畢業後TVB並沒有要求他簽下藝員合約，他說：「公司簽約嗰陣直接叫我由特約做起，咩原因就唔清楚。」
網民話佢外表似阮經天，他透露以前也有人這樣說過，不過他並不是台灣人，反而因為嫲嫲是在日本出世，所以曾經在日本居住過一段時間。被問到為何在訓練班畢業後，即使沒有得到合約也繼續做演員，他說：「其實本身係我爸爸叫我去試吓考藝訓班，我剛從日本留學返香港搵工，TVB算係我第一份工。當時簽特約我並無想太多，因為呢行要時間浸。」
不過做特約真係好難捱，首先人工真係好低，未必可以支撐生活，郭韻浩亦是當中的例子。「我已經好節約，依然生存唔到，所以頭兩年我有返正職維持生計，因為大家唔識我好少工開。我以前喺日本住過，嗰邊生活指數仲貴，我基本上一日兩餐，所以呢個習慣帶返香港，我可以好捱得餓。最窮時候應該係前年長工裁減人手，我一時未找到新工，連續靠少少積蓄同特約錢日日喺屋企煮飯，一定要100元以下一日，一日一餐都試過，連續三個月。」
不過，經過這幾年的努力，情況終於有好轉，郭韻浩開始有導演肯起用，所以連長工也可以轉做兼職，全日全演做特約演員，爭取更多上鏡機會。「我對演藝工作並唔十分熟悉，但既然入咗行就盡力做好，所以當時雖然失落，但無想過放棄。」
講緊嘅當年，就係畢業後無被TVB正式取錄，在做特約兼顧另一份長工的日子，是郭韻浩的難捱的時刻，他說：「一開始因為唔多工開，所以長工頂得住，特約可以就期。始終消費貴，我要以長工為先，但後來接戲多咗，試過收工夜晚8點拍通宵連踩三日，仲無乜對白，但依然捱過，因為好多藝人更加拚命，我覺得自己這種工作量已經唔算辛苦。其實公司好多監制同導演都幾俾機會我去發揮 ，要多謝佢哋」咁識諗，希望TVB睇到你嘅努力，簽你做長約喇！