【是咁的，法官閣下】律師似藝人？　前大律師林作：唔紅嘅好兜痞

台慶劇《是咁的，法官閣下》劇情一改觀眾對法庭劇的刻板印象，以揭露法律界最真實的一面和新晉律師不為人知的辛酸史為主打。最新一集，尾段講到見習大律師（林秀怡飾）剛完成人生第一單生意時，足足折騰了四個多小時陪客錄口供，賺了三千元。她正苦惱賺到的錢是否足夠繳交告票罰款時，同房的鄧大志大律師（黎振燁飾）則講到自己做的第一單生意，只有僅僅一千五百元，而且全包價。到底律師如何收費？一千五百元全包，真的有那麼廉價嗎？

一般的律政劇，大家只見大律師吸金力超強，除了衣履光鮮，閒來無事三五成群就會出入酒店食雪茄嘆紅酒，享受生活。對此，前大律師林作接受《香港01》訪問時就指這些場口假到不得了：「係老一輩當年搵到錢先咁！我夠膽同你講老一輩今時今日都冇辦法搵到嗰種數，用佢原本搵到嗰舊繼續襯托返而家比較虧蝕嘅收入，嚟維持返生活咁解。唔係冇呢啲人，只係少之有少，真係同娛樂圈一模一樣，紅嘅就得嗰一班，唔紅嗰啲好兜痞，兜痞嘅人係大部分。」

【是咁的，法官閣下】英文肥佬讀法律？ 資深大律師：唔好點讀呀

問到林作可曾見過律師收一千五元全包價，他表示行內出現過有比這個價更低的大有人在，他稱：「千五蚊全包一定有，行內更cheap都仲有，同娛樂圈一樣。最cheap免費幫你做都有，但做得咁樣嘅人堅係有問題，等於全裸出位嗰啲咁樣。我就唔會肯做呢啲嘢，除非係慈善，一單官司咁樣收幾乎冇咩可能，其實你出呢個價反而嚇親人。如果你話去裁判院幫人求情輕判，3千蚊我都有做。我以前做民事多，寫一份嘢收千五蚊係冇可能。」

點撃圖片重溫當時劇集！

劇集更提到鄧大志大律師與其他人share房間，連秘書每月都要萬五蚊租，林作稱：「算正常，唔可以話平。我當年一個月嘅租連洗費係5萬幾蚊，但我係豪宅。一般share房，一定係金鐘同中環左右，萬五蚊算係正常。我可以話，好多人嘅洗費你攞房嘅話，一定唔止呢個數，所以算係ok。」看來，劇集暫時並冇誇大成份，當中大部分都是實際反映現實當中新晉律師的情況，相當貼地。

對於有指律師一畢業月入至少四萬，林作就解釋道：「其實同娛樂圈一樣好睇你咩級數，如果係國際行而家唔止4萬蚊添，5萬都有。如果local行，細行一個月4萬係唔到，我諗2萬幾3萬。另外，如果大律師一開始頭嗰幾個月係4萬唔到，之前有資料研究話頭三年出嚟執業，平均收入一個月2萬幾已經算好。大律師係要浸，除排你一開始就有人射住，有師傅射住，但呢種人唔多，一年我諗有6個都算係咁。」林作還笑稱直至自己2015年4月正式成為香港執業大律師，到2017年2月放棄做大律師期間，還未做到收資平衡。

第二集終於輪到10A港姐麥明詩正式出場！