【是咁的，法官閣下】同黃智賢演夫妻 王君馨：返屋企攬住老公喊
撰文：關穎賢
出版：更新：
王君馨（Grace）以一襲性感貼身Balmain短裙出席《Marie Claire瑪利嘉兒周年慶祝晚宴 暨 頒獎典禮》時透露，最喜歡Balmain這個品牌，因為穿起上來不只性感，還很型格，更為自己帶來一個很堅強的感覺。問到悠閒最喜歡什麼打扮，Grace直言最喜歡穿西裝外套：「入面簡單著件T-shirt，這條鬆鬆地嘅褲，可以着平底鞋，化個淡妝，襯對大耳環都已經好好睇。」
提到香港女性身高比較嬌小，Grace指著衫好睇最緊要知道自己嘅身型，適當地表露優點，穿出完美比例，令身型看起來更好：「如果腰比較長，就可以選擇著高腰褲，令比例平均返，更加好睇。」
至於談到是晚（29/10）播出有份參演的《是咁的，法官閣下》首集，Grace表示自己會在第三集登場，在劇中跟黃智賢飾演夫妻，但劇集一開始播出就會見到兩夫妻關係觸礁，Grace笑言：「劇集好貼地，觀眾一定可以搵到一個角色去代入，會見到大家都會遇到嘅夫妻問題，我記得有次拍完返屋企攬住老公喊，話『好彩你唔係咁！』。」問到平時如果跟老公吵架會怎樣解決，她指兩人會祈禱，覺得做人一定要謙卑，亦要自我反省，避免下次再吵架。