陳展鵬婚後即開工唔趕住造人 單文柔：我係想生但順其自然！
陳展鵬和單文柔今日（13）正式拉埋天窗，在四季酒店搞婚禮宴請親朋好友。下午4時許，一對新人接受傳媒祝賀及訪問：
問：覺得陳生、陳太這個稱呼點？
陳展鵬：我OK㗎，唔知佢（老婆）覺得點。
單文柔：我梗系OK啦！
問：昨晚有否瞓唔着？
陳展鵬：都有少少，呢幾日都真繫好攰，所以安排曬所有嘢之後，好安樂咁，安心咁瞓，因為又要梳頭，開頭以為男仔唔使梳頭，當原來真系要喎，跟住要擺好曬成個架步，所有嘢呀，方位呀，對住個窗門，貼好曬先瞓得覺，尋晚又幫佢搬啲嘢過嚟（酒店），當然有人幫手，將佢啲婚紗搬過來，跟住先返自己屋企做自己要做嘅嘢，譁，真系學識好多嘢。
問：單文柔你係唔系因為唔夠瞓，所以聲沙？
單文柔：其實系因為之前已經喉沙了，亦都可能因為想再籌備得好啲，所以我都好緊張，因為之前已經安排咗，但我又心大心細，有Plan B的時候，又想去Replace咗佢，所以就搞到自己冇埋把聲喇。
問：今早你哋船上的Party系一早諗好咗，定系一個Surprise畀老婆？
陳展鵬：呢個都諗好咗嘅，因為要安排太多嘢喇，所以冇得Surprise，但系呢一個想法，其實佢開頭系O曬嘴。（老婆話）唔系呀嘛，咁如果落雨點算呀？會唔會暈船浪㗎？跟住我就同佢講，我話你問嚇有冇人會暈船浪囉，但系因為我哋真系，頭先講過啦，真系希望有一個比較莊嚴，比較舒服，比較安靜的地方，可以舉行我哋自己的婚禮，邀請一啲自己身邊的朋友、親人，所以最後喺好多朋友嘅幫助之下，我哋就揀咗呢一個嘅方法。
問：見到你好有型咁坐住快艇咁樣出場，單文柔有冇好冧呢？
單文柔：襯返佢平時嘅造型，應該咁樣講啦，因為其實，在船上搞呢個Ceremony都系展鵬嘅主意，因為佢有好多鬼主意，佢又好想特別啲啦，畀一個難忘啲嘅經歷我啦，結果真系令到我好難忘，因為喺船上面，真系會諗好多問題會出現。
問：例如呢？
單文柔：例如，第一，驚暈船浪啦，之後我又擔心點樣過船啦，時間點樣安排啦，即繫好多問題都會諗到，咁佢又好有活力，安排得好好。
陳展鵬：但其實因為我已經全部諗曬㗎喇，因為冇一個地方繫好過呢一樣嘢，例如在香港東北風，邊啲海灣會有問題呢？我哋有三四個地點，如果吹北風會點，在甚麼位拍航拍又會靚一啲呢？又有果個感覺啦。
問：呢件事，系唔系發現老公真繫好可靠？
單文柔：都唔系呢件事嘅，平時都好可靠，佢都系一個計劃好周詳的人。
問：剛才你說展鵬有很多鬼主意，剛才聽結婚宣言的時候，有冇都令到你，我都冇諗過，佢會講呢啲說話？
單文柔：反而宣言上，佢就比較踏實一點，但我都鐘意咁，因為始終都系生活喇，同埋就係佢表達到一個好大的誠意，最緊要就係喺父母面前讀呢個宣言，冇得走喇已經。
問：點解有咁大張貓紙？
陳展鵬：系呀，因為真繫緊張，真繫緊張，同埋今次對我來說系非常之重要，繫好重要的事來的，因為結婚除咗我自己嘅大事，對Phoebe，仲有佢父母，同埋佢屋企人都繫好重要，所以唔希望有啲咩閃失，儘量去講到自己想講嘅嘢啦。
問：但聽講你地好犀利，講完個宣言之後，可以忍得住啲眼淚，冇流出嚟，因為連啲賓客都話已經忍唔住喊。話聽到0.5+0.5 = 1的時候。
陳展鵬：0.5+0.5其實我幾年前已經睇到呢篇文章，都唔系幾年前，十年前，我覺得好啱呀，即系以前系1＋1㗎嘛，0.5+0.5系非常之好，我都有同佢講過，佢話睇到之後，佢話咦，喂，呢個就係你講嗰樣嘢，其實我的意思系叫佢做0.5，咁我都要0.5啦，咁點知又真系咁啱有喎，咁我地就立即改咗個誓詞，所有嘢，都系跟個原稿，大約啦，所以繫好有意思。
問：但都忍住可以唔喊？
陳展鵬：其實都有喊㗎，只系你哋見唔到啫。
問：即系單文柔都頂得住唔喊？
單文柔：因為佢有更加多嘅嘢令我感動，所以就留返，今晚你哋就會知。
問：今晚展鵬系唔系會預備咗表演呢？
陳展鵬：今晚都有表演，之前亦製作咗好多嘅片，拍咗好多片，我諗好多婚宴都系未見過。
問：你咁樣講完搞到我好好奇喎！
陳展鵬：咁真系喎，系送畀Phoebe的禮物來。
問：完咗婚宴會唔會畀自己放鬆下？
單文柔：呢一點我反而就未安排，但我就諗咗幾個地方，但展鵬放咗假太耐喇，之前我哋又去咗英國、巴黎影婚紗相，所以真系要唞一唞，做下嘢先，再去都唔遲。
陳展鵬：同埋真系要睇個期囉，因為你都知啦，拍劇，一直延後，咁都要睇住工作啦，系時候真系要拍啲好嘅電視劇，好嘅角色畀觀眾睇。
問：成家立室下一件事都要開枝散葉，有冇諗過生B？
單文柔：都系順其自然啦，因為展鵬的關係，都會影響到我，令我想生小朋友，但我暫時又冇話好有planning，都系睇下天意。
陳展鵬：順住去啦，我當然想啦。
問：幾多個？
陳展鵬：唉，唔好咁算命師傅。
問：佢話想生女先？
單文柔：之前有人同我講話生仔、生龍鳳胎，我都唔知要邊樣。
問：生曬囉！
陳展鵬：其實個機會率都算高嘅，因為通常唔系生女就係生仔架喇，可以龍鳳胎嘅，龍鳳胎就好似圍骰咁嘅，亦都應該幾準下嘅，你（記者）都應該可能系會生女先！
問：識睇咩你？
陳展鵬：估啫。
問：想再問下，戒指系邊個揀？
單文柔：系我地兩個一齊揀。
問：有冇啲咩特別，或者刻咗啲咩系入面？
單文柔：反而結婚戒指因為想成日帶，所以都要揾一隻展鵬同我都鐘意，佢鐘意比較狂野少少。
陳展鵬：真系嘅，結婚戒指系佢就我嘅，真系，因為傳統果啲，我覺得，戴咗之後有啲唔太慣，咁我就問，會唔會有啲黑黑哋，結婚戒指會黑黑哋？之後大家一齊去揾，變咗個牌子都幾特別幾有意思，如果開工我哋未必戴，會掛住佢，好似個人咁，因為有時拍戲，好多人都唔明，我會掛住。