單文柔新婚收大禮包埋骨灰龕位？　陳展鵬：有心理準備多個屋企

陳展鵬與單文柔公布婚訊後首次同場出席公開活動，二人笑言：「係呀，好似我哋宣布之後首次同場出席活動，其實我哋成日一齊岀席活動，不過只係稱呼上唔同咗。」問到二人習慣叫對方做老公或老婆未？文柔直言自己是比較傳統：「我要等真係結婚先會叫嘅。」而展鵬則表示多了一個稱呼：「宜家叫我人夫啦，真係越嚟越多稱呼，要慢慢習慣一下，但係一件開心事。」

二人婚禮在十月舉行，二人準備成怎樣？文柔指準備得還好：「其實想嚟嘅屋企人可以開開心心。」但婚禮上展鵬會準備什麼驚喜給她？「一定會有，不過而家唔講住啦，其實有少少緊張，但都係希望想件事做得好。」在旁的文柔拍拍展鵬膊頭，說到不用害怕。最後展鵬說到婚禮一生人一次，希望盡量做到盡善盡美。

文柔於訪問中說到展鵬為她做了很多事情，十分感動，問到最感動是不是買了房子送給她？展鵬搶著回答：「大家明㗎啦，娛樂雜誌寫嘅，大家睇下笑下咪好，但我已經有心理準備多咗一個屋企。」而日前更有報導爆出展鵬豪花200萬買骨灰龕位，文柔說到：「其實而家我哋辦喜事，呢啲我哋唔答啦，我唔係迷信，但始終係唔吉利。」