苟芸慧韓國婚紗照曝光　邀李英愛金喜善攝影師操刀

苟芸慧（Christine）同陸漢洋（William）將於下星期五（19日）在上水雙魚河拉埋天窗，婚禮以「童話故事」為主題。William自今年2月求婚成功之後，已經密密為10月的婚禮做準備，兩人先後去到法國、加拿大同韓國拍婚紗照，相當花心思。

眾所周知，苟姑娘有四分之一的韓國血統，而且對孔劉情有獨鐘，所以William也好識做，5月在韓國拍攝婚照時，特登邀來重量級的專業團隊打造，當中包括朴信惠、李聖經的御用化妝師，還有曾為李英愛、金喜善拍照的攝影師等，確保婚照高質素。

在這一輯照片中，苟姑娘同William除了拍攝婚紗照之外，還嘗試了幾個不同的風格，一對新人影足兩日，當中不單止有戶外的清新甜美裝扮，還有優雅典致的晚裝造型，加上化妝師的一對巧手，令苟姑娘也忍不住驚歎自己煥然一新，她從中偷師化底妝的獨門秘技，即不斷拍打面部，令底妝更服貼，「好似被人打了幾個耳光，但個底妝好薄好自然，我好鍾意。」苟姑娘笑言。

對於賽車，William自然駕輕就熟，但在拍照方面卻是一名新手，無論表情定動作都相當生硬，幸好有對慣鏡頭的苟姑娘在一旁悉心指導，加上攝影師「女仔上身」，以女聲講解如何擺pose，令兩人大笑，緩和氣氛，拍攝過程也算順利。而William還鬼鬼地說：「Christine實在太靚，咩角度都咁靚，我當然大壓力，驚會破壞咗張靚相，所以都係避重就輕，影多啲我嘅側面比較穩陣。」

不講不知，原來今次William在茍姑娘同攝影師地大力推薦之下，首次穿上粉色西裝拍攝，沒想到影出來的效果令他大感驚喜。

除了拍照之外，兩人還趁機在韓國享受下二人世界，苟姑娘更化身向導帶William遊首爾，相當sweet：「以往我哋旅行都係佢負責安，William第一次去韓國，今次我輪到我做導遊，帶佢周圍食嘢。佢最鍾意黑豆豉炸醬麵，不過都係等完成咗兩日影相先去食，佢怕有肚腩。」