【歡樂滿東華】黃建東扮經典大隻人物　攞正牌「大開食界」

無線搞笑藝人黃建東最擅長扮鬼扮馬，繼早前扮《延禧攻略》的「偽瓔珞」後，最新搞作是在 TVB周刊中扮演歷屆《歡樂滿東華》最令人難忘的人物，包括吳剛師傅。

今次扮吳剛師傅，令黃建東可以攞正牌食嘢同埋化身大隻佬：「拍攝工作如果遇上劇情需要我食嘢係最開心，因為我自己真係好為食，但係平時不斷俾人催谷我要減肥，搞到我唔好意思喺人前食咁多嘢。而家導演指定要我食，我唯有服從指令食多啲。」

除咗食嘢之外，黃建東最開心可以化身大隻佬償還心願：「其實係講我要扮吳剛師傅，入行咁耐都係第一次着肌肉衫。自出世以來都未試過真正大隻，原來大隻嘅自己都幾正幾嗒得杯落。（咁有冇着完件衫的起心肝操大隻？）真係唔敢再講話的起心肝減肥，因為好似減極都咁肥，但變大隻的確係我嘅心願，相信有一日會實現。」

問到黃建東自入行以來，參與那一年《歡樂滿東華》的表演是最難忘，他笑言應該是2012那屆，因為他第一次參加「卡啦之星」演出，特別度了自彈自唱及 rap出東華精神呼籲大家凌晨仍要落力募捐，演出跟香港先生的才藝表演有些相似，創意同樣獲得大家嘉許：「我發覺我演出自己的創作是最得心應手，而大家又很喜歡，所以嚟緊會再自己度橋拍返搞笑片，希望可以帶多啲歡笑俾大家。（TVB周刊實體版出最後一期有何感受？）當然會唔捨得，因為自己都是 TVB周刊的擁躉，已經留起最後一期做留念，希望將來網上版可以再見大家。」