黃建東改《學貓叫》做《戴手錶》　不忍買六位數手錶：儲返做首期

有「惡搞王」之稱的無綫藝人黃建東 (Derek) 一向擅長二次創作，自2016年的「唱PPAP學廣東話」大熱之後，最近他又有「新作」。

近日，Derek獲手錶品牌連續邀請第三年做模特兒行catwalk，雖然已經第三年走上天橋，不過他仍然很緊張：「因為自己始終唔係model，所以就算今年第三年行貓步都係好緊張，出場前個心跳得好快。由於自己一向同型格無緣，所以決定今次喺台上做返自己，以自己搞笑方式行貓步，結果觀眾非常受落。」Derek發現每一次演出做回真實的自己時，觀眾都會喜歡，而且迴響都會很正面，所以 Derek希望每次演出都可以做多一些自己。

另外，由於《學貓叫》這首歌今年大熱，Derek更特別改作《戴手錶》用來配合主題：「之前冇同客戶及台上的莊思敏和莊思明透露，想畀佢哋一個驚喜，當唱到歌詞改為『在我面前撒個嬌，我會給你買個錶』，台上嘅思明笑得好開心，台下嘅女士都好興奮好有反應。（係咪女朋友撒嬌就會買錶？）之前啲女朋友都唔係太撒嬌比較獨立，可能佢哋隻錶仲靚過我嗰隻，哈哈！（自己多唔多買錶？）本來想買一隻心儀好耐、接近六位數字嘅手錶畀自己，但最後忍手冇買到，儲返做首期，始終覺得置業緊要啲。」