【再創世紀】楊埕投資美容院　被好友呃身家：依家唔夠膽做生意！

TVB新劇《再創世紀》除了郭晉安、楊怡、林文龍、周勵淇同鍾嘉欣等一班好戲之人助陣之外，劇中亦有不少新生代演員。在日前播出的劇集中，就輪到首次拍劇的「清純栢芝」楊埕出場。飾演純情秘書的楊埕原來現實都一樣咁純，她還透露兩年前，曾與好姊妹夾份投資美容院生意，怎料被對方呃過百萬。

參加國際小姐競選出身的楊埕，2017年簽約成為無綫電視部頭合約女藝員之一。除了有份參演重頭劇《再創世紀》，更先後拍攝劇集《十二傳說》、《兄弟》與《白色強人》，備受力捧。主力拍劇的她，最近就透露正與幾位朋友經營Fashion Channel，教大家如何扮靚。楊埕接受《香港01》訪問時表示：「因為本身我自己都好鍾意周圍去，差唔多每個月都周圍飛。所以，我就想藉住呢個機會講下時裝，但依家仲係一個試嘅階段，大家會努力傾啲贊助商返嚟。（會否會計劃搞埋自家品牌？）依家唔夠膽做生意！因為我第一次做生意嘅時候，同過朋友做美容院，一齊夾錢，諗住搞大間啲間鋪同買咗好多儀器，但後來俾人呃咗，都呃咗唔少。」

據知，兩年前楊埕秘密投資逾百萬，入股好姊妹一間美容院做老闆，還不時親自落場幫客人護膚。但最後被好姊妹呃身家：「事情都幾複雜，不過我覺得經一事，長一智，都係好事嚟嘅。」雖然楊埕遇人不熟，但父母並無因此而怪責她：「我爸爸話成長要俾人呃吓，所以佢哋都無太嬲。當自己唔甘心時，屋企人反而支持我嘅錯失。」

至於感情方面，楊埕就透露與龐景峰分手後，一直處於空窗期：「因為我一拍拖就專心唔到做嘢。（擇偶條例呢？）我鍾意啲錫我嘅暖男。」