【再創世紀】蔚雨芯慘遭胸壓　專業無尷尬：一Take過搞掂

TVB劇集《再創世紀》劇情愈來愈精彩，當中蔚雨芯飾演的角色「麥嘉菲」性感出場，令人眼前一亮。劇中，蔚雨芯更毫不吝嗇好身材，大騷「魔鬼胸」，成功贏得價值三十億合約，都說「自古英雄難過美人關」，果然連商場上都不例外。

日前播出的《再創世紀》就講到高哲（林文龍飾）引薦的麥嘉菲（蔚雨芯飾）憑住好身材色誘客戶，用對方同自己「頭壓胸」的相片威脅，使客戶簽約價值三十億的住宅項目意向書，成功撃退賀天生（郭晉安飾）推薦的推銷樓盤高手Joe出任傲堂集團地產部總經理一職。雖然劇情有點兒牽強，但蔚雨芯的演出令不少觀眾讚好。蔚雨芯接受《香港01》訪問就透露：「拍嗰陣冇尷尬，專業㗎嘛！而且場戲係女導演拍同埋有清場。（真係有俾對方掂到？）冇，借位嘅，仲有空間，一take過搞掂，而且唔舒服嘅話我都會出聲嘅。（今次戲服都比較貼身，有冇keep下身材？）我一向都有做運動，係唔做運動就唔舒服嗰啲人嚟，所以冇特別keep。」

點撃下圖逐格睇！

第一次演職業女強人，蔚雨芯都表示有壓力：「呢個角色都幾有難度，好多集團名呀，金融用詞要背，而且我長期都要喺龍爺（林文龍）隔離，所以要演得成熟啲同埋有氣勢啲。（今次係咪學到好多嘢呀？）係呀！龍爺除咗靚仔之外，我從來冇見過佢拎劇本喺身，因為佢背晒入腦，好專業。而Niki（周勵淇）就好爽快，幾乎都唔NG，所以兩位都好值得我學習。」

蔚雨芯2016年到北京中央戲劇學院修讀表演系時，簽約於吳奇隆旗下公司，主唱內地劇《一粒紅塵》主題曲《微光》。去年，她就重返TVB拍攝劇集《再創世紀》與《救妻同學會》，她透露：「其實奇隆嗰邊主力幫我搞內地的工作，想我喺綜藝同音樂方面多啲發展，而香港就有另一間經理人公司幫我接jobs，咁暫時都會主力拍劇同電影，等多啲人認識我。」

至於感情生活，蔚雨芯就拒絕表示：「緣來緣去囉。（咁有冇拍拖？）都多人追嘅，但我獅子座，比較強勢，成日嚇走人。但感情方面，都希望低調啲，唔想講咁多。」