陳柏宇感動到喊住宣佈 「隱世B女」出世:Abigail, I choose u!

撰文:洪曉璇
出版:更新:
又有個靚靚星二代出世啦﹗陳柏宇(Jason)自宣佈老婆符曉薇(Leanne)有喜之後,去到邊都掛住BB喺口唇邊,之前跟足西方傳統切蛋糕公布腹中塊肉系囡囡,「隱世B」呢日終於出世啦﹗

陳爸爸喺25號中午12點左右,上載一家三口合照宣佈囡囡已經出世。Leanne最終選擇剖腹產女,相片中應該仲喺手術室中,Jason兑現承諾入產房陪產,唔知有冇親手剪臍帶呢?BB女眼線好長應該系大眼妹嚟架,仲有好好倉髮添﹗陳爸爸留言話:「我一見到佢就忍唔住喊。Abigail, i choose u!!! (throws out pokeball)」
之前Jason做訪問時講過,囡囡預產期喺十月,依家早少少出世可以陪父母過中秋節啦。而留言中嘅Abigail應該就係陳小B嘅英文名,呢個名系希伯來文,意思系「她父親的喜樂」以及「喜樂的泉源」,Jason都留言話一見到囡囡就感動到喊,呢個名真系相當有意思。之前Jason講過會自制侍產假幫手湊女,仲早早請定陪月兼上堂學換片,相信嚟緊呢位好爸爸都有排忙啦。