【如懿傳】嫡公主蒙古造型被笑似火鍋　網友瘋狂二次創作

近來繼觀眾追睇完宮鬥劇《延禧攻略》之後，就另追睇另一部同是講宮鬥的《如懿傳》，適逢劇情愈播愈緊湊，飾演如懿的周迅闖破唔少難關，終得嘗所願坐上皇后的寶座，就正正因為封后大典邀請了唔少皇親國戚前來觀禮，遠嫁蒙古的璟瑟公主（關雪盈飾）都是坐上客，不過她的一身誇張造型卻吸引了唔少觀眾眼球，一時之間成為熱話被網友取笑擺放了一個火鍋在頭上，唔講仲以為她嫁了給牛魔王添，十分好笑。

璟瑟公主即使又幾唔喜歡如懿都好，表面上都要做足面子，一來自己是大清國公主；二來是蒙古親王之妻代表蒙古，當她回到宮中已經得知乾隆立后之心已決，但她仍唔死心繼續勸阻乾隆話她冇一兒半女，又冇家世，而且自己母親富察皇后生前是力薦純貴妃為繼后，認為她冇資格成為繼后。但乾隆只是聽聽就算，她的一翻言論完全走唔入他的心，可想而知璟瑟到底有幾憎恨如懿。

就在這一段父女之間的對話，璟瑟公主的造型就成為亮點，她頭戴了半圓的巨型頭飾登場，頭中間頂著一個圓尖物體其實就是翻檐尖頂帽，旁邊各有三大飾物配戴，其實大多都是瑪瑙、翡翠、珊瑚、珍珠等章顯貴麗，整體來睇足足比她的臉孔大幾陪。亦因為如此唔少網友都覺得驚奇，紛紛取笑她頭頂上一個火鍋好適合涮羊肉，仲二次創造唔少搞笑圖超好笑。除此之外，仲有人以為她是非洲頭頂罐子的婦女添，唔知仲以為她嫁的唔係蒙古而是做了牛魔王之妻「嫁給牛魔王嗎」﹑「頂了個火鍋」…髮飾真的太搶戲了。

取笑歸取笑但有網友都替演員辛苦，皆因如此頭飾起碼有幾斤重，加上仲要表演確實值得稱讚。事實上，《如懿傳》的服飾大多都是跟隨歷史，而璟瑟公主這一身服飾正正就是過去蒙古貴族的婦女服飾，她們頭戴巨型髮飾顯示自己的地位，而隨著年齡的逐漸減少頭飾亦自然會減少，不過都唔會失去她的霸氣。