【晚吹】奶奶迷信叫孫仔做「狗」　媳婦大控訴：仲叫佢食狗屎！

ViuTV 節目《晚吹──又要威又要戴頭盔》，最新一集繼續有與奶奶同住的新抱作出大控訴，包括奶奶不尊重女家家人、有金錢上轇轕、湊仔分歧及生育問題等，不知道作為新抱的妳，有無共鳴呢？

入男家門後　與女家家人再無關係？

上一輩好多人認為，新抱嫁入門，跟夫姓，就「生是自家人，死是自家鬼」，雖然現代人普遍開明，但仍有部份人深信此道。其中一位新抱對奶奶作出控訴，她因為外婆過身，所以想避席奶奶親戚的婚宴，誰知奶奶竟說：「唔緊要，你既然嫁咗入門，就係我們哋屋企人，你媽嫁咗畀你老竇，就係你老竇屋企嘅人，所以你外婆過身，你出席婚宴係無問題嘅。」言下之意，即指外婆跟新抱已經沒有家人關係，難怪那名新抱如此生氣。

奶奶霸權　管埋新抱啲錢？

其中一個新抱說每個月的出糧日，奶奶就會發訊息給她，提醒她給家用，「你出糧喇，係時候交家用，你唔好唔記得，我提下你。」新抱更說，金額由奶奶定，如果給少過她所定的金額，「成個月無好臉色畀你睇」。

另一個新抱都好慘，奶奶很喜歡比較新抱與其他女性的薪金，包括自己的女兒，甚至隔離屋的新抱，藉此罵新抱：「你廢柴嚟㗎，搵咁少錢！」其實新抱搵幾多，關奶奶咩事呢？

婆媳湊仔分歧大　奶奶稱孫仔做「狗」

婆媳在帶養小孩上的分歧亦是永遠說不完的話題，其中一位新抱說：「奶奶好鐘意叫我個仔做『狗』。」她解釋說因為奶奶擔心兒子養不大，所以叫孩子做「狗」，古人認為生活過得太好會遭鬼神妒忌，所以取賤名，希望避過鬼神的注意，但身處21世紀，其實很多人已經拋開了這個舊觀念。這個新抱說奶奶還會跟她的兒子說：「阿狗，我哋出街掃屎食。」真係聽到都嘔出幾兩血，那位新抱說奶奶屢勸不聽，令她非常氣結。

冇仔生一定係新抱嘅錯！

其中一個新抱流產兩次，看中醫調理，拉埋老公一齊睇，但奶奶反應極大，認為新抱未能成功生產，跟自己個仔毫無關係，因為上一輩普遍認為「生唔到仔一定係女人問題，男人一定冇問題」。