【早霸王】同居似打機男仔易失新鮮感　 森美：女仔不該主動提出

來到星期五，又到《早霸王》「你知道唔知道有人掛住你」環節，今次收到與未婚夫同居的阿珍，她表示想向男友道歉，因為自己經常向她發脾氣，森美聞言直指：「女人對男人發脾氣係天公地道」，更以男人玩Game來比喻同居。

森美問阿珍是誰提出同居，阿珍說是對方，森美說：「咁就啱喇，女仔唔應該主動提出同居。」他接下來解釋原因：「唔係驚蝕唔蝕底，係無咗個新鮮感，好似玩Game 咁，好得意㗎，你借朋友隻Game 嚟玩，你又覺得好過癮，成日好想買返嚟玩，但一買咗隻Game 返嚟玩，玩兩日就厭。」

阿珍說出向男友發脾氣的原因，因為對方經常與前曖昧對象及一眾共同朋友出來聚會，阿珍對這個女生仍心有芥蒂，所以向男友發脾氣，她表示冷靜下來後，其實自己明知道男友與那個女仔無曖昧行為，只是自己反應太大，想向男友道歉。森美安慰阿珍，這是正常的反應，因為愛對方及無安全感，情緒才會被牽動，不須自責。

接通電話之後，阿珍男友直言一路都聽緊節目，更以「我的最愛阿珍」來稱呼女友。之後估唔到阿珍道完歉之後，男友亦作出深情表白：「我哋兩個之間好多嘢需要互相包容，我好樂意照顧你的情緒，如果我令到你唔開心我都會唔開心，你可以發脾氣呀，我OK㗎，咁我愛你吖嘛！」連森美都直呼浪漫呀！