【牛下女高音】黃心穎馬國明孖住去旅行：呢三個月拍劇好辛苦

無綫《牛下女高音》一眾演員吳岱融、蔣志光、鐘景輝、黃心穎、張振朗、韋家雄等人出席今晚（1/9）在尖沙咀舉行煞科宴。《牛下女高音》這套劇集，對黃心穎來說，是要投放感情比較多的一套戲。「當時我收到呢個劇本，我覺得喺上天畀我一個機會，因為King sir 做我爺爺，本身我一出世爺爺已經唔喺度，在戲中投放感情喺一定會傷痛，所以呢三個月都拍得幾辛苦，會留喺屋企唔出街，盡量唔畀自己從角色中抽離，要保持戲中角色情緒。」

心穎拍劇辛苦咗成三個月，劇集終於煞科，可以同馬國明放下假，去下旅行充電。「嚟緊我地都會去旅行，咁啱大家都有時間，地方就未定，其實我想去一啲我未去過嘅地方，去邊度都冇所謂，只要我未去過就得，大城市，偏遠嘅地方都可以。」

9月尾心穎又要去多倫多登台，唱歌搵真銀。「今次會去成個星期，仲要唱12首歌有一個鐘頭咁耐，平時做其他活動都喺唱啲開心嘅歌，今次好難得可以揀啲慘情嘅歌曲唱，有廣東有國語歌，當中有啲都未唱過，所以要花多啲時間去練，因為要記歌詞，依家練緊譚詠麟首歌曲《霧之戀》，呢首歌我好鐘意，好有意境。」