黃心穎密密拍劇無時間拍拖 馬國明回應鄭嘉穎婚訊：要等通知
撰文：郭芷晴
出版：更新：
馬國明黃心穎昨日（25日）出席《宮心計2 深宮計》慶功，兩人談到最近工作忙碌，無時間拍拖：「過嚟做幾個訪問就走，因為等陣仲要拍外景。」忙於拍《師奶特工》的馬明表示。至於心穎的《牛下女高音》也要拍到九月頭才煞科，所以兩人最近也少了出街，更遑論放假：「不過無得休息有無得休息嘅好！」行事業運嘅心穎當然笑逐顏開。馬明補充兩人會保持聯繫，有時偶爾在公司碰到會約食飯。馬明平日會否講甜言蜜語氹心穎？心穎靦腆表示：「佢......OK 啦！佢唔係啲咁嘅人，太浪漫我唔鐘意。」
另外，關於鄭嘉穎同陳凱琳即將結婚的報導甚囂塵上，作為好兄弟的馬明卻無可奉告：「我無特登去求證，佢又無同我講要做兄弟，所以我都無準備。我都係同大家一樣，等通知。」